---

أعلانات الفيسبوك :- جزئين

1- جزء فنى خاص بمعرفتك لادوات الفيسبوك .
2- جزء بيزنس خاص بمعرفة بطبيعة السوق و المنتج اللى انت بتبيعه و العملاء المتوقعين تشترية و تسعيره مقارنة بالمنتجات اللى فى نفس الشريحة و نقاط القوة و الضعف عندك وعند منافسيك .
- الجزئين لا يمكن انهم ينفصلوا عن بعض . طيب معناه أيه الكلام دا :-

> ممكن تعمل أعلان مفيهوش ولا غلطة فنية واستخدمت كل الادوات صح بس المنتج بتاعك غالى و فيه أرخص منه - أو ملوش سوق كويس فى مصر واسباب كتير عشان كدة لازم دراسة للسوق و المنتج بتاعك قبل ما تشتغل على الاعلان لمعرفة نقاط القوة والضعف عندك وعند المنافسين .
> #الجزء_الفنى :- بعد ما تخش على مدير الاعلانات ودا لينك منفصل و أبلكيشن منفصل على الماركت بردوا عشان فيه أدوات كتير تستخدمها أكتر أحترافيه من انك تعمل أعلان من الصفحة علطول من الزورار اللى بيكون موجود تحت كل بوست .
أى اعلان اول لما تبدء تعمله هتلاقى قدامك 3 خطوات رئيسية وهى اللى بتقسم الاعلان بتاعك اللى هما

Campaign - Ad Set - Ads

أول حاجة هتقابلها هى #Campaign : -

- هنا بتحدد نوع الاعلان بتاعك أيه يعنى أنت عايز منه أيه مثلا
Reach عايز الاعلان يوصل لاكبر عدد من الجمهور بس مجرد وصول للجمهور المستهدف لاحقا
Traffic عايز تعمل زيارات كتير للموقع بتاعك أو قناة اليوتيوب أو حتى حدث معين انت هتعمله فى مكان محدد فى يوم معين
Engagement عايز توصل البوست بتاعك للجمهور مع ضمان أن الجمهور اللى يوصله البوست بتاعك يتم التعامل معاه عن طريق كومنت أو لايك للبوست أو شير المهم انه مش بس هيوصل وهيتم التفاعل مع البوست
Messages عايز الجمهور لما يشوف البوست بتاعك يبعت رسالة على الصفحة يسال على معلومات او المكان بتاعك او السعر ودا بيكون بسعر الرسالة وسعر الرسالة متغير على حسب سهولة الوصول للجمهور أو صعوبة الوصول
Lead generation تجميع بيانات عملاء مهتمين بالمنتج بتاعك سجل نفسهم انهم مهتمين وانت بتبدء تتواصل معاهم وتحول الموضوع لمبيعات
Video views فيديو معين مرفوع على الفيسبوك وعايزه يحقق مشاهدات كتير
Store traffic عايز تحقق زيارات فعليه للمحل او المكان بتاعك عن طريق ظهور الاعلان للجمهور القريب منك و المهتم بالنشاط بتاعك
Catalog sales لو انت عامل كتالوج على الفيسبوك وفيه كل منتجاتك وعايز الناس تبص على الكتالوج دا و تشوف منتجاتك كلها و مواصفتها واسعارها
Conversions بتبيع حاجة اونلاين وعندك ويب سايت وعايز الناس تخش تشترى اونلاين علطول
Brand awareness منتج جديد وبتعرف الناس عليه قبل ما تبدء حملات التسويق والمبيعات وبتمهد الطريق ليه وبتشوف رد فعل الجمهور على المنتج وتسعيره ومواصفاته
وطبعا فيه حاجتين مهمين جدا هنا بردوا هنشرحهم فى بوستات لوحدها

A/B Test : مقارنة النتايج مثلا بين شكل الويب سايت بتاعك القديم و الجديد - بين منتجين عايز تنزلهم
Campaign Budget Optimization : تحسين ميزانية الحملة -يعد تحسين ميزانية الحملة هو الأنسب للحملات التي تحتوي على مجموعتين إعلانيتين على الأقل. 2 Ad sets at least

---

تانى حاجة هتقابلها بعد كدة هى Ad Set : -

#Budget_Schedule : هتصرف كام فى وقت قد أيه والاعلان هيشتغل امتى وينتهى أمتى
#Audience : الجمهور اللى ناوى تستهدفه الموقع بتاعه والعمر و النوع و الهويات و الو العادات و الاهتمامت والسلوك على الفيسبوك واللغة اللى فاتحه بيها
#Placements : الاعلان بتاعك هيظهر فين هى بتكون معمولة على Automatic Placements (Recommended) كل الاماكن انت ممكن تختار بقى Facebook / Instagram / Audience Network / Messenger
موبايل ولا لابتوب ونظام التشغل اندرويد ايفون مشغل باقة ولا واى فاى
#Optimization_Delivery ممكن تحدد سعر معين للرسالة او للوصول وتكلفته ودا مش كويس لانه العدد على حساب الجودة
#Optimization_for_Ad_Delivery : اعلانك يظهر كام مرة و يظهر فى الوقت المناسب ولا لا و يظهر كتير ولا مرة واحدة لنفس الشخص Impressions / Post Engagement / Daily Unique Reach

---

تالت حاجة وهى Ad : -

#Identity تختار الصفحة اللى هتعلن جواها لو عندك اكتر من صفحة Facebook Page / Instagram Account
#Ad_Setup اختار البوست اللى هتشغله
#Ad_Creative ممكن تعمل بوست جديد من هنا اصلا او ترفع صور او تشغل اى شكل للاعلان لينك تدريب من الفيسبوك على الاعلانات وطريقة عملها